LETRAS GALEGAS 2021

   Exposición comunitaria da obra literaria de Xela Arias homenaxeada neste noso Día das Letras Galegas. 

I CONCURSO DE ESOPÍAS

 O equipo de Normalización e Dinamización do IES Moncho Valcarce organiza o I Concurso de Esopías. Dito certame está dirixido a todo ó alumnado do noso centro educativo e a súa participación estará aberta ata o vindeiro 21 de maio. Animádevos a participar!

DÍA DO LIBRO

   Con motivo do Día do Libro desde a biblioteca do IES Moncho Valcarce desenvolvéronse, en colaboración co Equipo de Dinamización Lingüistica do centro e o Departamento de Bioloxía, varias iniciativas das que damos conta a continuación.

• Recital poético: un grupo de alumn@s de 3º ESO declamaron varios poemas clásicos da literatura galega así como algunhas composicións orixinais de creación propia.

• Exposición de fondos bibliográficos relacionados coa lectura transinclusiva.

• Celebración do Día da Terra coa lectura pública e comunitaria de textos de sensibilización medio-ambiental- Algunhas desas intervencións foron incluídas no noso Instagram baixo o hashtag #lendonatureza@ceidagalicia.

• Fallo do concurso literario. Neste senso apuntar que resultaron gañadores os alumnos Antón de la Fuente Vivero (nivel 3º-4ª ESO) e Óscar Barro Piñón (nivel 1º-2º ESO). Grazas a tod@s pola vosa participación e noraboa ós gañadores.

NOVA SELECCIÓN PARA O CLUB DE LECTURA DE ADULTOS

 Xa vamos co noso terceiro libro de lectura do curso. 

Como non facemos reunións presenciais, agradecemos aos participantes as colaboracións que acheguen, as suxestións e as recensións. Podes envialas a bukdemonchin@gmail.com

Tamén podes facelo polo grupo de whatsapp.

Publicaremos as túas opinións na nosa revista. 

Grazas por participar. 

CELEBRAMOS O DÍA DA POESÍA (21 DE MARZO)

O luns 22 de marzo conmemoramos o día da poesía cunha actividade para achegar aos alumnos a este xénero literario. 

A través do blog, das redes sociais (instagram) e nas aulas...

 informouse aos alumnos de que recibirían un bombón e un poema se asistían á biblioteca. O poema foi un texto plastificado a modo de marcapáxinas. 

Ademáis, os alumnos que se atreveron a recitar o seu poema no salón de actos recibiron ademáis un agasallo en verso. 

CHARLA NO CLUB DE LECTURA CON MOTIVO DO DÍA DA MULLER

Con motivo do día 8 DE MAIO, 

a alumna de segundo de bacharelato Miriam Castro 

participou nun coloquio co alumnado sobre temas de igualdade, feminismo e violencia de xénero. 

O obxectivo foi coñecer o xeito en que os alumnos e alumnas perciben as conductas sexistas, as desigualdades e outras formas de violencia de xénero. 

Seguiremos afondando neste coloquio coa intención de incorporar algunha aportación para a nosa revista. 

Día Internacional da Muller (8 de Marzo): Libros coeducación

       Desde a nosa biblioteca escolar poñemos a disposición do alumnado e dos distintos departamentos didácticos material propio dos nosos fondos para traballar a coeducación co gallo da celebración do Día Internacional da Muller.

DÍA DA ILUSTRACIÓN

   O pasado 30 de xaneiro, coincidindo co nacemento de Castelao, a Xunta de Galicia celebrou o día da Ilustración. Para celebralo o departamento de Educación Plástica e Visual baixo a coordinación dos seus profesores, Silvia e Toni, analizou a función da arte ilustrativa e a súa influenza no mundo actual.

   As creacións do seu alumnado de Educación Secundaria están a ser expostos e a disposición de toda a comunidade educativa nos paneis acristalados da nosa biblioteca escolar. Xunto cos traballos inclúense uns códigos QR que proporcionan información sobre divers@s ilustrador@s e  sobre lugares online de interés xeral relacionados coa ilustración. Quedades invitados a visitar esta orixinal exposición e grazas a tod@s pola vosa implicación.

A GAÑADORA DO CONCURSO DE RELATO DE SAMAÍN

Un xurado conformado por tres alumnas de segundo de bacharelato decidiu o gañador dos relatos presentados ao certame convocado polo club de lectura e os alumnos/as de ITI. 

A decisión estivo difícil pola calidade dos textos. Na súa opinión as obras presentadas tiñan unha gran calidade expresiva, creativa e orixinalidade. 

O premio foi concedido ao conto Luna azul de Uxía Piñón Calvo. 

Noraboa a todos os participantes. 

E tendo en conta a calidade dos textos, todos serán publicados na nosa revista 

O buk de Monchín.

O NOSO TRADICIONAL CONCURSO LITERARIO

 Xa está aquí o concurso literario que agardabas. 

Pregunta polas bases na biblioteca... 

e anímate a participar... 

Os gañadores recibirán un agasallo literario. 

DÍA INTERNACIONAL DA PAZ E NON VIOLENCIA (30-01-2021)

  Actividade "Unha linguaxe para a Paz"

  Co gallo da celebración do Día da Paz desenvolveuse desde a nosa biblioteca escolar unha actividade que perseguía pór en práctica actuacións concretas para que cada alumn@ participante entendera que a paz empeza cun mesm@ e no día a día no noso xeito de falar cos compañeir@s, na forma de relacionarnos persoalmente a través das redes sociais, nos nosos comportamentos cotiás, etc.

   Reproducimos diálogos a través de viñetas nas que se amosaban condutas pouco axeitadas para posteriormente propoñer alternativas máis acordes cunha convivencia solidaria, empática e pacífica. Grazas a todo ó alumnado pola súa implicación e interés.

O INSTAGRAM DA BIBLIOTECA

 Ola a todos e todas, 

ainda que xa o saberedes...

 temos unha conta de instagram que podedes seguir: 

biblioteca_moncho.valcarce

Nela, comentamos lecturas, falamos de concursos e doutras actividades relacionadas co club de lectura, da biblioteca e do equipo de dinamización... 

Adéntrate e sorpréndete.

XA ESTÁ AQUÍ A PRIMEIRA REUNIÓN DO CLUB DE LECTURA CAER NAS REDES

 Se che gusta ler e compartir as túas lecturas...

Non o dubides: o club de lectura é para ti. Aínda estás en tempo de formar parte. 

SERÁ NA BIBLIOTECA DO CENTRO 

O VENRES 4 DE DECEMBRO ÁS 10:10 h

DÍA INTERNACIONAL DA ELIMINACIÓN DA VIOLENCIA CONTRA A MULLER

    25 DE NOVEMBRO

DÍA INTERNACIONAL CONTRA A VIOLENCIA DE XÉNERO

Un grupo de alumn@s de 1º ESO colaboradores da nosa biblioteca escolar elaboraron un sinxelo mural conmemorativo do Día Internacional da Eliminación da Violencia contra a Muller. A súa intención é sensibilizar á nosa comunidade educativa das causas e consecuencias da violencia contra as mulleres. Moitas grazas a tod@s el@s.

Ademais, propúxoselle ao alumnado de 3º de ESO a análise de letras de cancións de contido machista para posteriormente elaborar novas versións que reflictan a crudeza destas mensaxes e inviten ao empoderamento da muller. 

XA ESTÁ AQUÍ UN NOVO CLUB DE LECTURA!!!

 SE CHE ENCANTA LER

E QUERES COMPARTIR AS TÚAS OPINIÓNS CON OUTROS LECTORES... 

ESTE CLUB É PARA TI... 

COMPARTIREMOS FEIXES DE TEXTOS

DE XEITO PRESENCIAL E VIRTUAL

DÉIXATE PESCAR POLAS BOAS LECTURAS!!!

PARA PARTICIPAR, PODES DAR O TEU NOME NA BIBLIOTECA... 

CONCURSO: UN DEBUXO DE REVISTA

 

QUERES ILUSTRAR A NOSA PUBLICACIÓN O BUK DE MONCHÍN?

SE DEBUXAR É O TEU... 

E QUERES SER A PORTADA DA NOSA REVISTA

NON O DUBIDES... 

PARTICIPA

CON MOTIVO DO SAMAÍN 2020 

A BIBLIOTECA CHE PROPÓN UNHA ACTIVIDADE 

QUERES ESCRIBIR UN RELATO DE MEDO? 

A BIBLIOTECA ANÍMATE A PARTICIPAR CO TEU

  NA NOSA REVISTA LITERARIA