Día mundial da poesía

“La poesía, principio y fin de todo, es indefinible. Si se pudiera definir, su definidor sería el dueño de su secreto, el dueño de ella. Y el secreto de la poesía no lo ha sabido, no lo sabe, no lo sabrá nunca nadie(…)"

Juan Ramón Jimenez

Cada 21 de marzo celébrase o Día Mundial da Poesía. Esta conmemoración foi impulsada pola UNESCO no ano 2000 co obxectivo de recoñecer as actividades poéticas que se realizan nos diferentes países e promover a poesía como unha forma de cultura esencial.

Esta organización considera que o mundo contemporáneo ten necesidades, no terreo da estética, que a poesía pode cubrir sempre e cando se recoñeza o seu papel social. Por este motivo, era necesario crear un día específico que servira para mostrar a importancia da poesía á opinión pública. Este Día da Poesía é o marco no que se efectúan as accións para soster este xénero literario, valóranse os esforzos dos pequenos editores que intentan entrar no mercado e se fomenta a lectura e o coñecemento da poesía.

Nós quixemos, dende a Biblioteca, colaborar nesta celebración mundial adiantádonos un pouco para poder xuntar esta festividade co Día de San Valentín, que ten unha longa tradición no noso centro, e organizamos as seguintes actividades:
-Escolla de poemas que os alumnos recollían nos recreos na Biblioteca para engadir ás súas cartas de amor e amizade.
-Lectura de poemas a cargo de alumnos do centro: Noemí Tojeiro e Alberto Dopico, de 4º de ESO leron os seus propios poemas.
- Recibimos a Berta Dávila, unha xove poeta múltiples veces premiada ( Minerva, Entre Nós en Galego, Premio Concello de Ames,...), para que nos recitara os seus versos.
Esta autora presentounos tamén a súa novela gañadora do premio Biblos-Pazos "Bailarei sobre a túa tumba".
-Sorteo de 15 exemplares da súa obra Dentro, Premio Avelina Valladares e 7 exemplares de Pablo Neruda.


Grazas a Tucho Calvo pola súa colaboración desinteresada e a cantos puxeron da súa forza e do seu tempo para que a actividade saíra adiante.

“¿Qué es poesía?”, dices mientras clavas En mi pupila tu pupila azul. “¿Qué es poesía? ¿Y tú me lo preguntas? Poesía… eres tú”
Gustavo Adolfo Bécquer

II Feira Galega das Industrias Culturais

Entre o 4 e o 7 deste mes , na Coruña, tivemos a oportunidade de asistir a Cultur.gal. Isto é un espazo onde os diferentes sectores culturais galegos presentaron, amosaron, promocionaron, difundiron e venderon os seus produtos e servizos.
Durante estes catro días desenvolveuse unha intensa programación. Nós tivemos a sorte de participar no Foro das Letras Vivas. Neste foro a Consellería de Cultura e Deporte, a través do director xeral de Creación e Difusión Cultural, Luís Bará presentounos un conxunto de accións no programa de animación Letras Vivas buscando promover a creación dunha programación estable de animación á lectura en bibliotecas e outros ámbitos. As propostas queren fomentar o achegamento aos libros desde unha perspectiva lúdica, mediante actividades de animación e de carácter formativo. Todas elas son desenvolvidas por profesionais ou por grupos con acreditada experiencia na realización de espectáculos e actividades de fomento da lectura.
Así vimos pinceladas do que poden facer profesonais como Altega, Bugalú, Reverso, Argallando, Duende Sico, A Locamotora...Estes creadores amosaron as súas propostas de primeira man.
A Asociación de Escritores/as en Lingua Galega (AELG) traeron ao Cultur.gal a 48 escritores e escritoras que foron entrevistados durante a feira, entrevistas que se emitiron pola rede e que serán editadas para a súa difusión. Entre eles estaban: Antón Corizas, Antón Reixa, Camilo Franco, Eva Veiga, Manuel Rivas ou Yolanda Castaño.
Pero tamén puidemos falar con Tucho Calvo e a súa proposta de Biblos, follear as últimas publicacións de Rinoceronte, Xerais, Positivas... Unha delicia para os que disfrutamos neste ambente de libros, música, artes escénicas, etc.

Cultur.gal creo que busca ser unha plataforma referencia imprescindíbel e obrigada, a xeito de cita anual, para o libro, o audivisiul, a música, as artes escénicas, os servizos socioculturais e as novas tecnoloxías da cultura e do lecer en Galiza.

Teselas de cidade de Patricia Casas

O día 29 de febreiro estivo aquí, en As Pontes, no Lar Tucho Calvo para presentar á nova gañadora do 3º Premio de Creación Literaria Biblos-Pazos de Galicia para mozos menores de vintacinco anos . O seu nome é Patricia Casas.

Este certame literario ten un premio ben curioso xa que o gañador poderá pasar un mes a gastos pagos nun pazo como neste caso na Casa Grande do Bachao (s.XVII) e estará tutelado para ultimar a obra por un autor consagrado como nesta edició pola escritora Helena Villar, poeta, narradora e ensaísta cunha ampla experiencia tamén como articulista e docente. O premio conleva tamén un ordenador portátil e a edición da obra en galego e a súa tradución ao castelán.”

A novela de Patricia Casas titúlase Teselas de cidade e aquí a escritora fainos vivir pequenas historias entrelazadas que transcurren nas principais rúas de Coruña.

Recoméndovos que leades esta novela, fresca, encantadora, cercana coa que a autora parece prometer que detrás desta virán máis.