Remata a semana adicada ao libro

Hoxe damos por concluídos os actos adicados ao Día do libro (23 de abril) que no noso centro exténdense por uns días.
Dende a Biblioteca colaboramos coas nosas aportacións a outras actividades promovidas por departamentos e polo centro.
Estas son algunhas coas que contamos este ano:

-Exposición de poemas de distintos autores: Esta actividade vén a abondar na intención de facilitar e mellorar a relación dos nosos lectores coa poesía. Xa contamos este curso coa poeta santiaguesa Berta Dávila, regalamos poesía en febreiro e sorteamos libros de poemas (Neruda e a propria B.Dávila) entre os usuarios da nosa biblioteca.

-Mercadiño solidario: Un ano máis colaboramos coa ONG Mundo Cooperante a prol de moitos proxectos de axuda e cooperación que desenvolven en países desfavorecidos do noso planeta. O mercadiño de libros está creado a partires das xenerosas doazóns de todos os membros da comunidade educativa do noso centro. Nós somos tamén quen mercamos os que outros traen, aínda que este ano trasladámolo, a petición de Rosa López ( responsable da ONG en Coruña), á Barha Party que por segundo ano se celebra na nosa vila, coa colaboración do Concello, e alí atopamos moitos veciños da vila realmente solidarios.


-Exposición de libros: A aventura era o tema central das nosas lecturas durante este curso polo que reunimos un nutrido grupo de libros dos nosos fondos e pedimos a Fundación Germán Sánchez-Ruipérez unha selección de títulos en distintas linguas. Con todo isto resultou unha boa mostra deste xénero.


-Rincón de Machado:Coincidindo co setenta aniversario da morte de Antonio Machado, colocamos na entrada do centro un rincón adicado ao poeta sevillano, profesor de francés, cos seus poemas impresos en follas de colores cos que invitabamos a ler aos nosos alumnos e levalos para casa, uns exemplares da nosa biblioteca e unha gran foto cos datos básicos da efeméride completamos este espazo.

-Certame literario: Coas bases publicadas no blog do club de lectura, os cartaces espallados polo centro, tras recoller os traballos presentados, lelos e valoralos, fallamos o "II Certame literario Biblioteca Moncho".

A nosa semana adicada ao Libro en imaxes

Gracias ao todo o Grupo de dinamización da Biblioteca que elaborou e coordinou todas as actividades xunto con outros membros da Comunidade Educativa, á APA que nos fixo unha importante aportación económica, a Antón Cortizas que nos adicou o seu tempo dunha maneira desinteresada, comercios das Pontes como a floristería Ledicia, a Televisión local que nos serviu de testemuña e sobre todo os alumnos que sin eles nada disto sería posible, a semana que conmemoramos a festividade do Día Internacional do Libro tivo o seguinte resultado en imaxes

Antón Cortizas na nosa Biblioteca

Antón Cortizas estará mañá no noso Centro para facer entrega dos premios do Primeiro Certame literario.
É ademais de un gran escritor, un adulto que segundo el mesmo "está ainda a nacer", cada día e en cada momento.
Ven a compartir connosco a conmemoración do Día do libro , ainda que non sexa o 23, pois os seus compromisos adquiridos con anterioridade non llo permitiron. Creo que non me engano cando penso que en realidade disfruta rodeándose de alumnos, pois é maestro de formación e foi docente por convicción, ainda que hoxe estea apartado das aulas.
Este "coleccionista de sombras" vai falarvos de libros, de terror, e penso que vai ser ben ameno.
Anímovos a escoitalo e a falarlle tamén porque merece a pena aproveitar esta ocasión que el nos ofrece, un autor para o que style="FONT-WEIGHT: bold">o sol non adormece

Programa de actividades na Semana do Libro

O equipo de biblioteca organiza, con motivo da celebración do Día Mundial do Libro, varias actividades que se desenvolverán entre o 21 e o 25 de abril no noso centro.

Este ano o tema escollido por nós para esta conmemoración é o terror, como continuación do traballo empezado co club de lectura Felices Pesadelos.

Mercado do libro vello:

Doa libros usados que xa non necesites, para vendelos posteriormente no instituto! A recadación irá destinada integramente á ONG Mundo Cooperante para o seu programa de axuda na India.

Colabora!!!

Lugar: Recibidor do instituto.
Data: 21-25 abril.

Exposición Felices Pesadelos:

Expoñemos de novo os libros de terror prestados pola Fundación Germán Sánchez-Ruipérez (Salamanca), aos que engadiremos novos exemplares deste xénero adquiridos pola biblioteca, así como outros da biblioteca municipal e de particulares cedidos para a exposición.

Lugar: Recibidor do instituto.
Data: 21-25 abril .

...............................................................................................................................................................

Os nosos pesadelos:

Presentación con efectos sonoros e visuais dos libros e películas de terror e misterio adquiridos para a biblioteca.

Lugar: Recibidor do instituto.
Data: 21-25 abril (recreo).
...........................................................................................................................................

O zombie que morreu de éxito:

Hai 25 anos saíu á luz o disco que se convertería no máis vendido da historia: Thriller, de Michael Jackson.

E xa que estamos no noso mes do terror e a música tamén forma parte da nosa biblioteca, pareceunos o mellor momento para facer unha pequena homenaxe a este álbum, mediante unha presentación de PowerPoint na que incluímos a versión íntegra do videoclip, subtitulado en inglés e castelán.

Lugar: Recibidor do instituto.
Data: 21-25 abril (recreo).

..............................................................................................................................................

1º Certame literario:

Fallo do 1º Certame literario organizado pola biblioteca. Os premios outorgados serán entregados por Antón Cortizas, un dos autores máis galardoados e traducidos da literatura infantil e xuvenil galega.

A este acto asistirán os grupos de 2ºA, 3ºA, 4º ESO e 1ºC de Bacharelato. Os compañeir@s dos participantes no certame lerán en voz alta os traballos premiados.

Lugar: Salón de actos.
Data: 22 abril (10:30-11:20)
.....................................................................................................

Excursión a Urueña (Villa del Libro):

O alumnado de 1º e 4ª ESO realizará unha excursión a Urueña, a única Villa do Libro de España, e a Valladolid, onde visitarán a Casa Museo Zorrilla. A saída terá lugar os días 8 e 9 de maio.
Como anticipo a esta actividade proxectaremos un vídeo de presentación de Urueña durante algúns recreoss no recibidor do instituto (21-25 de abril).

Se queres saer máis da Villa doLlibro, preme aquí.

................................................................................................

................................................................................................................................................................

......................................................................................................................................................................

23 de abril

Día internacional do Libro